انا ما عندي ألا قلب ماني مثل ابو قلبين

--------------------------------------------------------------------------------

[center]السلام عليكم ورحمة الله وبركاته
اسعد الله صباحكم بكل خير
اترككم مع هذه القصيدة عسى أن تنال شي من إعجابكم





بنات الفكر غارن يوم شـافٍ ناعـس العينيـن
وجنّي مسرعـاتٍ تسبـق الاحبـار مكتوبـه
وفاق الهاجس اللي عن كلام الحب لـه عاميـن
وجدد صورة الماضـي عقـب غفـوة بغيبوبـة
حسبت القلب يدله مثل ناسٍ فالزمـن ناسيـن
لكنّ القلب فـي لحظـة ذكـر خلـه ومحبوبـه
وقام العاشق ايشيل البيـوت وجرّهـا تلحيـن
يغنّيهـا بشـوقٍ للغـلا متـوجـهٍ صـوبـه
عفيفٍ فيه حشمة جامـعٍ بالحسـن هالثنتيـن
جمال المظهـر وكـل السجايـا فيـه مرغوبـة
عليه اعيون سودٍ ذابحـة مـن شافهـا بيليـن
تليّن قاسي القلب ابحَوَرْهَـا تشغـف اسلوبـه
وله وجهٍ كما بدرٍ سطـع نـوره بعـال البيـن
ليا منه كمل نص الشهـر مثـل القمـر ثوبـه
وحواجب رسمها فاتن وزاد الزين زيـن وزيـن
جذب رمشين عينيها عواكف فـوق مسحوبـه
وأنفٍ مثل سلة سيف ضربـه ناتجـه قسميـن
يشيل الراس عن متنـه عطيـبٍ دوم بضروبـه
ولونٍ يملحه يخلط بياضـه شـع مـن وجنيـن
كما لون الورود الحمر وسـط الخـد مندوبـه
وشعر لامع بعرضه مثل ماقالـوا بحـر قزويـن
سوادٍ معتلـي لونـه جليـد الثلـج يطفوبـه
وعنقٍ مثل عنق الريم مالـي فيـه انـا وصفيـن
طويل العنق ياعالـم بوصفـه يطلـق اعجوبـه
جماله فاق وصفي ناعمٍ فـارق عـن الحلويـن
بزين الخلق والستر الحشيـم البنـت رعبوبـة
غزاني جيشها بالحب جوف القلب لـه تمكيـن
بنا مستعمراته جـوف قلبـي طوبـه وطوبـه
طغا فالاحتلال وهكذا فعـل اللـذي غازيـن
ليامن حلوا ابـدار السـلام الـدار منكوبـه
عقب نوم الليالي بالهنا عـاف الكـرى جفنيـن
وصرت اسهر على شوقي وطول الليل انا اسهوبه
وصار الفكر مشغـولٍ خيـالٍ دايـمٍ يغشيـن
اسج ابداخل المجلـس ولادري ويـش يحكوبـه
مثل مجنون فاقد للعقـل مـن سبـت الغاليـن
بعد ماصدقـوا فينـا هـروجٍ زور مكذوبـه
رغم هذا نظمـت الشعـر ماهمّونـي الواشيـن
عساها تفهم العاشـق وقلبـي بانـت اعطوبـه
انا مانيب مثل اللي يحـب الغـدر والتّخويـن
على مبدا الكرامة فـي طريـق العـز ودوربـه
حشا مانيب انا اللي يهتوي يلعب على الحبليـن
ولاني مثل شخصٍ شكل وجهه مثـل عرقوبـه
انا ماعندي ألا قلب مانـي مثـل ابـو قلبيـن
يحسب الحب لهـوٍٍ فيـه يفعـل كـل ملعوبـه
انا يابنت ماني مرخصك فالقلـب لـك تثميـن
رغم ماصار خيمـة حبنـا فالقلـب منصوبـه
في وسط القلب من عامين مبنيـة لحـد الحيـن
حشا ماهدهـا وقـتٍ عليهـا هبـت اهبوبـه
اببقى وافين يـوم العـرب قلـوا بهـم وافيـن
وفيٍ عاشـقٍ لـك يـا منـا قلبـي ومطلوبـه
قواف الشعر تحكي بعد صمتٍ جايلـه عاميـن
دعاها شوقٍ ابقلبـي بصفـو الحـب مكتوبـه